ئه‌ڤرو على ته‌ته‌ر پارێزگه‌رێ دهۆكێ سه‌را نه‌مامگه‌هێن دارستان وباغه‌داریێ ل تاخێ ماڵتایێ دا ژلایێ كاوه صه‌برى رێڤه‌به‌رێ دارستان وپاوانان ومحمد جه‌وهه‌ر رێڤه‌به‌رێ نه‌مامگه‌ها مالتایێ وئه‌ندازیارێن چاندنێ پێشوازى لێ هاته كرن .
پارێزگه‌رێ دهۆكێ گه‌ریانه‌ك ل ناڤ نه‌مامگه‌ها به‌رهه‌مئینانا نه‌مامكێن دارستان وژینگه‌هێ ونه‌مامگه‌ها به‌رهه‌مئینانا نه‌مامكێن دارێن فێقى كر وژنێزیك سه‌حكره سه‌روبه‌رێ هه‌ردوویان وبه‌رهه‌مێ دناڤدا هاتیه چاندن .
پارێزگه‌رێ دهۆكێ ته‌كه‌زكر كو ئاخ و ژینگه‌ها ده‌ڤه‌رێ زور یا گونجایه بو به‌رهه‌مئینانا هه‌مى جورێن چاندنێ وخواست كو سازیێن په‌یوه‌ندیدار وتاكه كه‌سێ كورد گرنگیه‌كا باشتر بده‌نه پاراستنا دارستان وژینگه‌هێ وپشته‌ڤانیا پارێزگه‌هێ نیشان دا بو پێشئێخستنا به‌رهه‌مئینانا نه‌مامكا ل هه‌ردوو جهان .
هه‌ژى گوتنێ یه ل دویڤ پلانا سالانه هه‌ردوو نه‌مامگه دشێن دئێك سالدا پترژ 140 هزار نه‌مامكێن داراستان وژینگه‌هێ ودارێن فێقیێن جودا به‌رهه‌مبینن.
