ئەڤرۆ دكتور عهلی تەتەر پارێزگارێ دهۆكێ سەرا پشكا مولەتا هاژوتنا ترومبێلا ل رێڤەبەریا هاتن وچونێ ل كومەلگەها دومیز دا و ژلایێ رێڤەبەرێن پولیسێن پارێزگەهێ و هاتن وچونێ و ئەفسەر و پلدارێن هەردوو رێڤەبەریا پێشوازی لێ هاتە كرن، پارێزگارێ دهۆكێ ژ نێزیك سەحكرە برێڤهبرنا سیستەمێ نوى یێ ترایێ و دانا مولەتێن هاژوتنا ترومبێلا .
لدویڤدا پارێزگارێ دهۆكێ سەرا خولا تایبەت یا پلە بەرزكرنا ئەفسەرێن وەزارەتا نافخۆ ل رێڤەبەریا هاتن وچونێ دا.
پارێزگارێ دهۆكێ دەست خوشی و پیروزباهی ل ئەفسەرێن پشكدار كر و هیڤی خاست كو ئەو بابەتێن د دتاقیكرنا خولێ دا وەردگرن ب رەنگەكێ پراكتیكی د كار و و ئەركێن خو یێن روژانە دا بجهبینن.
دكتور عهلی تهتهر ئەو چهنده ژی دیاركر كو یا فەرە ئەفسەر و پلەدارێن هێزین نافخو خو ب زانست و تهكنولوژیا سەردەمیانە چەكدار بكەن و لدویڤ رێنما و یاسایێن حكومەتا ههرێما كوردستانێ سەرەدەرییەكا شارستانی دگەل هەمى خەلكێ پارێزگەهێ بكەن و سەركەفتن بو هەمى ئەفسەرێن پشكدار خواست.
