ئهڤرۆ ل كوچكا پارێزگههێ ب ئامادهبونا “د.على تهتهر” پارێزگارێ دهۆكێ و “ماجد سهید صالح” جێگرێ پارێزگارێ دهۆكێ ب وهكالهت رێ ورسمهكێ رێزگرتنێ یێ تایبهت بو ههردوو دهڤهردارێن خانهنشین بووین بهرێزان “بوتان محسن” و “حسین خالد” هاته سازكرن.
پارێزگارێ دهۆكێ دپهیڤهكێدا گوت: بناڤێ حكومهتا ههرێمێ وكارگێریا پارێزگههێ دهستخوشى و پیروزباهى ل ههر ههردوو دهڤهردارێن خانهنشین بووین كر كو ل ساڵێن دهربازبوى و سهرهرایى ههبونا چهندین قهیرانا كارهكێ سهركهفتى و خزمهتهكا گرنگ پێشكێشكریه و گوت: كار و خزمهتا ههوه ئهنجامدایی جهێ رێزگرتن وسوپاسیێ یه و داخازا ژییهكێ درێژ وتهندورستییهكا باش بو ههردوو یان خواست.
پاش جودا جودا “بوتان محسن و حسین خالد “پهیڤێن خو پێشكێشكرن وسوپاسیا حكومهتا ههرێمێ و پارێزگارێ دهۆكێ كر ل دور ئهو رێ ورسمێن رێزگرتنێ یێن بو وان هاتینه ئهنجامدان ههروهسا سوپاسیا وان ههموو لایهن وستافێ كارى كر یێن كو ل سالێن خزمهتكرنێ ههڤكارى دگهل وان كرى و تهكهزكرن كو ئهو كار وخزمهتا وان ل سالێن دهربازبوى ئهنجامداى ل دووڤ یاسا ورێنمایێن حكومهتا ههرێما كوردستانێ وپارێزگهها دهۆكێ هاتینه پێشكێشكرن.
ههروهسا ئهركهكێ مروڤایهتى و نیشتمانى بوو و داخازا لێبورینێ ژهاولاتیان كر كو ههكه نهشیابن ههموو داخازیێن وان یێن رهوا بجهـ بینن.
پاش خهلاتێن رێزلێنانێ ل سهر ههردوو دهڤهردارا هاتنه بهڵاڤكرن.