پارێزگه‌رێ دهۆکێ سەرا خێزانەکا کێم دەرامەت و خودان نەخۆش ل دهۆکێ دا
پشتی بەلاڤبوونا چەند راپۆرتان ل دەزگەهێن راگەهاندنێ و تۆرێن جڤاکی ئەڤرۆ عەلی تەتەر پارێزگه‌رێ دهۆکێ دگەلدا رێڤەبەرێ گشتی یێ گەشەپێدانا جڤاکی و رێڤەبەرا کوچ و کۆچبەران و بەرسڤدانا قەیرانان و بەرپرسێ دەزگەهێ خێرخوازیێ بارزانی سەرەدانا مالا وه‌لاتی عمر حەسو ل تاخێ سەرهلدان ل ناڤا باژێرێ دهۆکێ کر.
پارێزگه‌رێ دهۆکێ ژ نێزیک ئاگەهداری رەوشا وێ خێزانێ بوو کو دەیک و باب هەردوو تووشی نەخوشیێن گران بووینە و کورەک و کچەک خودان پێدڤیێن تایبەتن و راگەهاند: دگەل رێڤەبەریێن پەیوەندیدار هاتینە پشتی مە ئاگەهـ ژبابەتێ هەوە بوویی و خەما هەوە خەما مە هەمیانە و یا مە پێ چێ دبیت دێ ئەنجامدەین.
لدویڤدا دکۆنگرەکێ رۆژنامەڤانی دا راگەهاند: پشتی رەوشا ڤێ خێزانێ گەهشتیەمە هاتینە ژ نێزیک ببینین و سۆپاس بو هەر خێرخازەکی بابەت گەهاندى و پشكداربوویی دهاریکاریا ڤێ خێزانێدا.
