بو دویڤ چون و نههێلانا زێدهگاڤیا ل سهر ئهردێ میرى و دارستان و ژینگهها دهڤهرێ ئهڤرو دكتور على تهتهر پارێزگارێ دهۆكێ سهرا ناحیا زاویته دا و ژلایێ مشیر بهشیر رێڤهبهرێ ناحیا زاویته وعمید شوكت سلێمان رێڤهبهرێ پولیسێن دارستان وژینگههێ وكارمهندێن ناحیێ پێشوازى لێ هاته كرن .
دكۆمبوونهكێدا دگهل لایهنێن ناڤبرى پارێزگارێ دهۆكێ گوت: ل دویڤ فهرمانا سهروكێ حكومهتا ههرێما كوردستانێ دڤێت ئهردێ میرى ودارستان وژینگهها پارێزگههێ باش بهێنه پاراستن وههمى زێدهگاڤیێن ل سهر ئهردێ میرى ودارستان وژینگهها ناحیا زاویته ول جهێن دى یێن پارێزگهها دهۆكێ ب زویترین دهم بهێنه راكرن ول دویڤ قانونێ سهرهدهرى دگهل سهرپێچیكارا بهێته كرن و دڤێت یاسا ل ههر جههكى سهروهر بیت.
ههروهسا گوت: دڤێت تیمێن دویڤ چونێ ب شهڤ و رۆژ كاربكهن و رێكێ نهدهنه چ كهسهكى زێدهگاڤیا بكهت وپێرابونێن دژوار بهرامبهر سهرپێچیكارا بهێنه وهرگرتن وپشتهڤانیا پارێزگههێ نیشان دا بو ههر هاریكاریهكێ بو نههێلا زێدهگاڤیا.