بو دویڤ چون ودانانا بەرێ بنیاتی بو چەند پرۆژان ل سنورێ دەڤەرداریا بەردەرەش ئەڤرو سپێدێ 5/9/ 2021 بەرێز د.علی تەتەر پارێزگارێ دهوكێ ب یاوەریا چەند رێڤەبەرێن فەرمانگەهێن پەیوەندیدار سەرا دەڤەرداریا بەردەرەش دا ژلایێ اسماعیل مستەفا دەڤەردارێ نوو یێ بەردەرەش وچەند بەرپرسێن حزبی وئیداری پێشوازێ لێ هاتە كرن.
پاش پارێزگارێ دهۆكێ ب ئامادەبوونا یێن دگەلدا بەرێ بنیاتی بو ڤان پرۆژان دانا:-
1- دانانابەرێ بنیاتی بو چێكرنا رێكێن نافخویی ل سنورێ ناوچەداریا روڤیا بكوژمێ (394) ملیون دینارا.
2- سەرەدانا سایلویا ستیلی ل ناوچەداریا روڤیا كو لسەر بودجا حكومەتا هەرێما كوردستانێ بكوژمێ نێزیكی (18) ملیار دینارا هاتیە بجهئینان وپرۆژە پێك دهێت ژسایلوكێ شیان هەنە (40) هزار تەنێن گەنمێ جوتیارا عومباركەت هەروەسا گورەپانێن وێ ژی شیان هەنە پتر ژ(60) هزار تەنێن گەنمێ جوتیارێن دەڤەرێن ئاكرێ وبەردەرەش عومباركەت پرۆژە 100% ب دوماهی هاتیە.
3- دانانا بەرێ بنیاتی بو ئاڤاكرنا نەخوشخانا تەنگاڤیا ل سەنتەرێ دەڤەرداریا بەردەرەش بكوژمێ (960) هزار دولارا .
4- دانانا بەرێ بنیاتی بو چێكرنا رێكێن نافخویی وچێكرنا سولینا ل ناڤ سەنتەرێ بەردەرەش وتاخێ پەككەوتویان بكوژمێ (963) ملیون دینارا.
5- دانانا بەرێ بنیاتی بو چێكرنا رێكا گوندێن (بەهرەوان گەورە وبەهرەوانا نووی وبەردەسور) ل ناوچەداریا دارەتو درێژیا رێكێ (4,6)كم بكوژمێ پتر ژ(500) ملیون دینارا.
6- ل دوماهیێ ودرێ ورسمەكێ تایبەت دا ب ئامادەبونا پارێزگارێ دهۆكێ نونەرێ سەروكێ حكومەتا هەرێما كوردستانێ وصباح بیت الله بەرپرسێ لقێ 9 یێ پارتی وچەند ئەندامێن پەرلەمانێ عیراقێ وكوردستانێ وری سپی وماقولێن دەڤەرێ بەرێ بنیاتی بو پرۆژێ رێكا گرنگ یا چەند گوند وگومەلگەهێن (قەرەناز – بەنێنان – دارەتو- كەورە سور) هاتە دانان.
دڤان رێ ورسمان دا دەڤەردارێ بەردەرەش سوپاسیا سەروكێ حكومەتا هەرێما كوردستانێ وپارێزگارێ دهۆكێ كر كو رازیبونا خو دیاركریە بو ئەنجامدانا چەندین پرۆژێن خزمەتگوزاری ل دەڤەرداریا بەردەرەش .
پاش ب نونەراتیا بەرێز مسرور بارزانی سەروكێ حكومەتا هەرێما كوردستانێ پارێزگارێ دهۆكێ پەیڤەك پێشكێشكر وگوت: ئەڤرو ئەم ئامادەبوینە بو دانانا بەرێ بنیاتی بو ژمارەكا پرۆژێن گرنگ ل دەڤەرا بەردەرەش نەخاسمە پرۆژێ رێكا (قەرەناز – بەنێنان – دارەتو- كەورە سور) ب درێژیا (46) كم ب كوژمێ (14) ملیار دینارا ، هەروەسا بكوژمێ پتر ژ(400) ملیار دینارا پرۆژە ل سەرانسەری پارێزگەهێ دهێنە ئەنجامدان هندەك ب دوماهی هاتینە وهندەك ل ژێر قوناغێن بجهئینانێ نە وهندەك ژی لڤان نێزیكا دێ كەڤنە دوارێ بجهئینانێ دا وبەرنامێ ئاڤەدانكرنێ یێ بەردەوامە.
پارێزگارێ دهۆكێ سوپاسیا سەروكێ حكومەتا هەرێمێ كر كو رازیبونا خو ل سەر پرۆژێن پارێزگەها دهۆكێ دیاركریە وگوت: هەر كارەكێ ئەم ئەنجامدەین ئەم ب ئەركێ خو دزانین ومافێ مللەتێ مەیە ونوكە بكوژمێ (48)ملیار دینارا پرۆژە ل سنورێ دەڤەرداریا بەردەرەش دهێنە ئەنجامدان وب هزاران دەلیڤێن كاری دێ هێنە دابینكرن و هاولاتی دێ مفای ژێ وەرگرن.
پاش ئەندازیار كانیوار جبرائیل سەرپەرشتێ پرۆژێن كومپانیا كاڤین گروپ رونكرن دانە سەر پرۆژەی وسوزدا كو پرۆژە دماوێ دەست نیشانكری دا وبكوالیتیەكا باش ب دوماهی بهێت وبكەڤیتە دخزمەتا خەلكێ دەڤەرێ دا.
