وەزارەتا ساخلەمیا حکومەتا ھەرێما کوردستانێ ئامارێن ٢٤ دەمژمێرێن بۆری یێن کۆرۆنایێ ل ھەرێما کوردستانێ بەلاڤکرن و لدویڤ ئامارێ ١٤٠ کەسێن دی تووشێ کۆرۆنایێ بووینە و پێنچ تووشبوویان ژی گیانێ خۆ ژ دەست دایە، ھەروەسا د وێ راگەھاندنا وەزارەتێ دا ھاتییە ژی کو دڤی ده‌مى دا ٩٧٢ تووشبوویێن دی یێن کۆرۆنایێ چاره‌سه‌ربووینه.
ھەروەسا وەزارەتا ساخله‌میێ بەلاڤکریە کو د ٢٤ دەمژمێرێن بۆری دا وان 4 هزار و 170 پشکنینێن کۆرۆنایێ ل سەرانسەرێ ھەرێما کوردستانێ ئەنجامداینە و بتنێ ئەنجامێ پشکنینا ١٤٠ کەسان پۆزەتیڤ بوویە کو ١٨ ل ھەولێرێ، ١٨ ل سلێمانێ، ١٠٣ ل دھۆکێ و ئێک ژی ل گەرمییان بوویه.
ھەژی گۆتنێ یه ل دەستپێکا بەلاڤبوونا کۆرۆنایی و هه‌تا ئەڤرۆ ١٠٤ ھزار و ١٩٥ کەس ل ھەرێما کوردستانێ تووشێ ڤى ڤایرۆسێ بووینە، ژ وێ ھژمارێ ژی ٣٤١٥ کەسان گیانێ خۆ ژ دەست داینە و ٧٨ ھزار و ٤٠ کەس ژی چاره‌سه‌ربوینه، ھەروەسا ٢٢ ھزار و ٧٤٠ تووشبوو ژی لژێر چارەسەرکرنێ دانە.
