ئالان حهمه سهعید وهزیرێ پهروهردا حكومهتا ههرێما كوردستانێ دكونگرهكێ روژنامهڤانى دا راگههاند: ل روژا 6/2/2021 ماموستا دێ چنه قوتابخانان وهك ئامادهكارى بو دهستپێكرنا خواندنێ و ل روژا 7/2/2021 ب ئامادهبوونا قوتابیێن ههمى قوناغان پروسا خواندنێ دێ دهستپێكهت.
ب گوتنا وهزیرێ پهروهردێ ل 23/2/2021 جارهكا دى لیژنا بلندا كورونایێ دێ كومبیت و پێداچوونێ ب بریارا ئهڤرو دا كهت و ههلسهنگاندنێ بو كهت.
ئالان حهمه سهعید بهحسێ پلانا خواندنێ ل 7/2/2021 كر و گوت ڤهكرنا دهرگههێن قوتابخانان دێ ب تهناوب بیت. و ئهو گوندێن كو د دویرن ژ سهنتهرێ باژێران و هژمارا قوتابیێن وان دكێم دێ ب وى مهرجى بیت كو دهواما وان دههفتیهكێ دا 3 روژن بو وێ چهندێ نهبیته بارگرانى لسهر هاتن و چوونا ماموستایان.
ب گوتنا وهزیرێ پهروهردێ ههمى قوتابخانێن حكومى و نهحكومى دڤێت سیستهمێ تهناوب پهیرهو بكهن ، ههمان ئهو بریار بو پهیمانگههێن حكومى و نهحكومى دێ هێنه پهیرهو كرن. دههمى حالهتان ژى دا دهستههلات دایه رێڤهبهرێن گشتى یێن پهروهردان ل پارێزگههان كو هویربینیێن شێوازێ تهناوب دگهل رێڤهبهرێن پهروهردان ل قهزا و باژێران دیار بكهن.
ئالان حهمه سهعید بهحسێ وێ چهندێ ژى كر كو ئهو خێزانێن نهخوشێن دهم درێژ ههین و ببنه ئهگهرێ وێ چهندێ بچنه قوتابخانان و بو قوتابخانان مهترسیا ڤهگوهاستنا كورونایێ بو دروست ببیت، دشێن فورمێن خواندنێ ل مال پر بكهن ب مهرجهكێ كو بشێن پشتهڤانى و پێدڤیێن خواندنا ئونلاین بدهستڤهبینن، وى دهمى دشێن قوتابیێن وان بتنێ بو ئهزمونان ببهنه دناڤ ناڤهندێن خواندنێ دا.
