دارا رهشید وهزیرێ پلاندانانێ یێ حكومهتا ههرێما كوردستانێ و ئهندامێ شاندێ دانوستاندكارێ حكومهتا ههرێمێ بو بهغدا راگههاند: ل دوماهیك سهرهدانا مه بو بهغدا ، پێنگاڤێن باش هاتینه هاڤێتن و حكومهتا ههرێما كوردستانێ یا رازییه ب ههمى داخازیێن دستورى یێن عیراقێ و لیژنا دارایى یا پهرلهمانى، و ههمى راپورت د ئامادهنه و بهرسڤ لسهر هاتینه دان، ههروهسا گوت: ههرێما كوردستانێ یا رژده لسهر ڕێككهفتنێ دگهل بهغدا، بهلێ ههر داخازیهك ژ دستورى دهربچیت حكومهتا ههرێما كوردستانێ پێ رازى نابیت ، چونكى مه چ بههانه بو بهغدا نههێلاینه و ههمى بزاڤ بو رێككهفتنێ كرینه، نابیت داخازیێن زێدهتر بهێنه كرن كو ژ دهرڤهى دستورى بیت.
دكتور دارا رهشید دووپاتكر، بلا كێشهیا ههرێما كوردستانێ بتنێ د مووچهى دا بچویك نهكهین، مه كێشهیا ئاخ و بجهئینانا ماددێ 140 دگهل حكومهتا فیدرال ههیه ، ژبهر وێ چهندێ ئهگهر د پروژه قانونا بودجهى دا بگههینه رێككهفتنێ، ئهم دشێین لسهر بابهتێن گرنگ یێن نهتهوایهتى و ئاخ و ئهو بابهتێن بهردهوام كێشه لسهر دان وستاندنان بكهین، كو ههتا نوكه گوندێن كوردان دهێنه تهعریب كرن.
