وه‌زیرێ ساخله‌میێ : سوبه‌هى ب شه‌ڤ دێ ئێكه‌م كاروانێ ڤاكسینێ دژى كورونایێ گه‌هیته‌ هه‌رێمێ

ئه‌ڤرو دكتور سامان به‌رزنجى وه‌زیرێ ساخله‌میا هه‌رێما كوردستانێ راگه‌هاند 5 هزار ڤاكسینێ سینوفارم یێ چینى دێ گه‌هیته‌ هه‌رێما كوردستانێ و عیراقێ .

وه‌زیرێ ساخله‌میا حكومه‌تا هه‌رێما كوردستانێ راگه‌هاند دگه‌ل گه‌هشتنا ڤاكسینى پێدڤییه‌ هنده‌ك پشكنین بهێنه‌ كرن و پاشان بریارا ده‌مێ بكارئینانێ ده‌ربكه‌ڤیت .

هه‌روه‌سا وه‌زیرێ ساخله‌مییێ دیاركر كو پشكه‌ك ژ ڤاكسینى ل سه‌ر داخوازا قونسلێ وه‌لاتێ چینێ دێ بو وان وه‌لاتیێن چینى هێته‌ بكارئینان یێن ل هه‌رێما كوردستانێ كاردكه‌ن .

هه‌روه‌سا دیاركر بریاره‌ ل ده‌ستپێكا هه‌یڤا ئادارێ كاروانه‌كێ دى یێ ڤاكسینى بگه‌هیته‌ هه‌رێما كوردستانێ و عیراقێ و ژبلى ڤێ چه‌ندێ حكومه‌تا هه‌رێمی د بزاڤان دایه‌ داكو زویتر ڤاكسینێ پێدڤى بو وه‌لاتیێن هه‌رێما كوردستانێ بهێته‌ دابینكرن .