سامان به‌رزنجی وه‌زیرێ ساخله‌میا هه‌رێما كوردستانێ راگه‌هاند : بزاڤێن مه ژبو دابینكرنا ڤاكسینێ ڤایزه‌ر به‌رده‌وامه و گوت عیراقێ ملیونه‌ك و حه‌فت سه‌دو پێنجی هزار ڤاكسین كرینه و لدویڤ هژمارا ئاكنجیان دێ لسه‌ر پارێزگه‌هێن عیراقێ و هه‌رێما كوردستانێ هێنه به‌لاڤكرن هه‌روه‌سا سه‌باه‌ت ب پێنگاڤێن حكومه‌تا هه‌رێمێ بو وه‌رگرتنا ڤاكسینێ فایزه‌ر وه‌زیرێ ساخله‌میا هه‌رێمێ گوت زێده‌بارى بزاڤێن مه دگه‌ل حكومه‌تا به‌غدا، حكومه‌تا هه‌رێمێ ژى بزاڤ كرینه بو كرینا ڤاكسینێ ڤایزه‌ر هه‌روه‌سا سه‌باره‌ت راهێنانان لسه‌ر چه‌وانیا وه‌رگرتن و كوگه‌هكرن و دانانا ڤاكسینێ وه‌زیرێ ساخله‌میێ گوت به‌غدا داخازا ژمارا ناڤێن كارمه‌ندان و ستافێ نوشدارى ژ هه‌رێمێ كریه بو وه‌رگرتنا راهێنانان هه‌روه‌سا ئاشكراكر كو وه‌زاره‌تا ساخله‌میێ پشت به‌ستنێ لسه‌ر باوه‌رنامێن ده‌وله‌تیی دكه‌ت ژبو كرینا باشترین جورێ ڤاكسینێ و هه‌ر ڤاكسینه‌كا باش بیت ئه‌م دێ ل هه‌رێما كوردستانێ وى جورێ ڤاكسینێ دابین كه‌ین
