ئه‌نتونى بلینكن وه‌زیرێ ده‌رڤه یێ ئه‌مریكا د گوتاره‌كێ دا ل ده‌مێ گه‌نگه‌شه‌كرنا بودجا وه‌زاره‌تا ده‌رڤه یا ئه‌مریكا ل جڤاتا نوینه‌ران دا به‌رسڤا ره‌خنه وپرسیارێن سیناتوره‌كى دا سه‌باره‌ت توركیا كو ئاراسته‌ى حكومه‌تا ئه‌مریكا هاتینه كرن .
وه‌زیرێ ده‌رڤه یێ ئه‌مریكا ئاماژه دا كو ئاریشا ئه‌مریكا دگه‌ل توركیا بتنێ ژبه‌ر بابه‌تێ سیسته‌مێ به‌ره‌ڤانیا موشه‌كا ئێس 400 یا روسى نینه به‌لكو ل سه‌ر پرسا لیبیا و روژهه‌لاتا ده‌ریا سپى و یونان و قوبرس و چه‌ندین پرسێن دى ئاریشه و ئالوزى دناڤبه‌را ئه‌مریكا و توركیا دا هه‌نه و ئه‌ڤ ئاریشه د ڤه‌شارتى نینن ، توركیا د هه‌مى بیاڤان دا ل ده‌رڤه‌ى پیڤه‌رێن ناتو رابویه و وه‌ك ئه‌ندامێن هه‌ڤپه‌یمانیا ناتو لڤینا ناكه‌ت .
بلینكن گوت : د دیدارا دناڤبه‌را سه‌روكێ ئه‌مریكا و سه‌روك كومارێ توركیا كو بریاره ل 14 حوزه‌یرانێ ل بروكسل بهێته ئه‌نجام دان بایدن ب جدى دێ گه‌نگه‌شێ ل سه‌ر پرسێن ناڤبرى دگه‌ل ئه‌ردوگانى كه‌ت و دێ داخوازێ ژێ كه‌ت وه‌ك ئه‌ندامه‌كا ناتو د ئاست و به‌رپرسیاریان دا لڤینا بكه‌ت .
