دراگه‌هاندنه‌كێ دا وهزارهتا بازرگانى و پیشه‌سازى یا حكومه‌تا هه‌رێما كوردستانێ به‌لاڤكریه كو ئه‌ڤرو شانده‌كێ وهزارهتا بازرگانى یا عێراقا فیدارل ب سه‌روكاتیا دكتور عه‌لا ئه‌حمه‌د جبورى وه‌زیرێ بازرگانیا عیراقێ سه‌ره‌دانا وهزارهتا بازرگانى و پیشه‌سازى یا هه‌رێمێ كریه و د كومبونه‌كێ دا چه‌ند بابه‌تێن گرنگ یێن بازرگانى و پێشه‌سازى هاتینه به‌حسكرن
وهزارهتا بازرگانى و پێشه‌سازیا هه‌رێمێ رادگه‌هینیت، دكومبونا هه‌ردوو وه‌زاره‌تان دا چه‌ندین ته‌وه‌رێن گرنگ هاتینه به‌حسكرن ژوان بابه‌تان ژى هه‌ڤكارى و هه‌ماهه‌نگیا دناڤبه‌را هه‌ردوولا دا و چه‌وانیا له‌زكرنێ د به‌لاڤكرنا شایسته‌یێن دارایى یێن گه‌نمێ جوتیارێن هه‌رێمێ
وهزارهتا بازرگانى و پیشه‌سازى یا حكومه‌تا هه‌رێما كوردستانێ رادگه‌هینیت هه‌ر دڤێ كومبونێ دا بابه‌تێ به‌لاڤكرنا ئاهێن خوارنێ یێن هه‌یڤانه بو وه‌لاتیان هاتیه به‌حسكرن و لایه‌نێ هه‌رێمێ دووپاتكر كو پێدڤى یه ئاهێن خوارنێ هه‌یڤانه و د ده‌مێ خودا لسه‌ر وه‌لاتیان بهێنه به‌لاڤكرن
