وه‌زاره‌تا په‌روه‌ردا حكومه‌تا هه‌رێما كوردستانێ، راگه‌هاندنه‌ك لدور نه‌هێلانا په‌رتووكا په‌روه‌ردا ئیسلامى ل قوناغێن خواندنێ به‌لاڤكر.
وه‌زاره‌تا په‌روه‌ردێ، ئه‌ڤرۆ راگه‌هاندنه‌ك به‌لاڤكریه، سەبارەت ئه‌وێ گوتگوتكا به‌لاڤبووى لدور نه‌هێلانا په‌رتووكا ئیسلامى د قوناغێن خواندنێ دا، ئه‌م وه‌كو وه‌زاره‌تا په‌روه‌ردێ بۆ هه‌مى لایه‌كى رادگه‌هینین، ئه‌وى بابه‌تى چ بنه‌مایه‌ك بۆ نینه و دویره ژ راستیێ.
ئاشكرا ژى كر، په‌رتووكێن په‌روه‌ردا ئیسلامى نه‌هاتینه لادان و نا هێته لادان ژى و مه چ به‌رنامه ژى نین بۆ ئه‌ڤى بابه‌تى، به‌لكو گرنگى یه‌كا زۆر ژى پێ دهێته دان، ب مخابنى ڤه هنده‌ك كه‌سان ئه‌ڤێ پروپاكندێ دكه‌ن، كو وه‌ك كه‌ره‌سته‌كێ سیاسى و بۆ مه‌ره‌مێن هه‌لبژارتنان ب كاربینن.
