وه‌زاره‌تا ناڤخو یا هه‌رێمێ راگه‌هاندنه‌ك لدور هێرشا شڤێدى به‌لاڤكر

وه‌زاره‌تا نافخویا هه‌رێما كوردستانێ راگه‌هاندنه‌ك سه‌باره‌ت هێرشێن موشه‌كى یێن شڤێدى ل هه‌ولێرێ به‌لاڤكر ئه‌ڤه‌ ده‌قێ وێ یه‌.

 پشتى ده‌مژمێر 9 ونیڤێ شڤێدى چه‌ند موشه‌ك ب فروكخانا ده‌وله‌تى یاهه‌ولێرێ وچه‌ند تاخێن باژیرێ هه‌ولێرێ كه‌فتین دئه‌نجامدا دناف فروكخانێ دا بویه‌ ئه‌گه‌رێ ژ ده‌ستدانا كه‌سه‌كى وبرینداربونا پێنج كه‌سێن دى و دناف باژێرێ هه‌ولێرێ ژى 3 كه‌سێن دى برینداربون و زیانێن مادى ب چه‌ند مال وجهێن بازرگانى كه‌تن . پشتى رویدانێ ده‌ملده‌ست ده‌زگه‌هێن دژى تیرورێ وئاسایش وپولیسان ده‌ست ب ڤه‌كولینێ كر ب هه‌ماهه‌نگى دگه‌ل هێزێن هه‌فپه‌یمانان جهێ وێ ترومبێلێ هاته‌ دیتن كو موشه‌ك ژێ هاتینه‌ هاڤێتن. ترومبێل ژ جورێ كه‌یا بو و د رێكا دناڤبه‌را هه‌ولێر وگوێر دا هاتیه‌ دیتن . ئه‌وا بویه‌ جهێ ئاماژه‌ پێكرنێ هه‌مان ره‌نگ وته‌كتیك كو دهێرشا بورى دا ل سه‌ر فروكخانا هه‌ولێرێ هاتبو ئه‌نجامدان دڤێ رویدانێ دا ژى هاتیه‌ ئه‌نجامدان. ڤه‌كولین دبه‌رده‌وامن وخه‌لكێ باژێرێ هه‌ولێرێ وهه‌رێما كوردستانێ ژى پشتراست دكه‌ین كو هه‌مى ئه‌وێن ده‌ست دڤێ هێرشێ دا هه‌ى وئه‌نجامده‌رێن وێ تاوانێ دێ ئاشكرا شه‌رمزار بن ودێ گه‌هنه‌ سزایێ خو

وه‌زاره‌تا نافخویا هه‌رێما كوردستانێ

شازده‌یى شوباتا دوهزار و بیست وئێك