وهزارهتا نافخو یا حكومهتا ههرێما كوردستانێ بریارێن كومبوونا لیژنا بلندا روى ب روى بوونا كورونایێ بهلاڤكرن، سهبارهت خاندنا پولا 12ێ ئامادهیى و پهیمانگههێن وهزارهتا پهروهردێ یێن حكومى و نهحكومى ب شێوازێ خو دێ دبهردهوام بن.
دبریارێن وهزارهتا نافخو دا هاتیه دهواما زانكو و پهیمانگههان كو سهر ب خاندنا بلند و ڤهكولینێن زانستى ڤه ههتا كو 25/3/2021 دێ هێنه راوستاندن.
ههر دراگههاندنێ دا هاتیه یانه و كافتیریا و خارنگههـ و جهێن گشتى نابیت خزمهتگوزاریێن نارگیلهكێشانێ ههبن و د دهمێ سزادانێ دا ئهو جهـ بو دهمێ ئێك ههفتى دێ هێته دائێخستن وب دوو ملیون دیناران دێ هێته سزادان.
سهبارهت قهدهغهیا هاتن و چوونێ، وهزارهتا نافخو ئاماژه ب راگههاندنا قهدهغهیا هاتن و چوونێ نهكریه، بهلێ دبێژیت: ئهو كهسێن ل پارێزگههێن دى یێن عیراقێ دهێنه ههرێما كوردستانێ پێدڤییه پشكنینا كورونایێ ئهنجام بدهن 72 دهمژمێران بهرى گهشتێ.
