وه‌زاره‌تا ناڤخو: دێ گهورین د هه‌مى پوستێن وه‌زاره‌تێ دا هێنه‌كرن

رێڤه‌به‌رێ گشتى یێ پولیسێن هه‌رێما كوردستانێ ته‌ئكید كر كو دێ گوهورینا ل هه‌مى پوستێن كارگێرى یێن وه‌زاره‌تا ناڤخو دا كه‌ن

د ریوره‌سمه‌كى دا گوهورین د  هژماره‌كا پوستێن ئیدارى یێن سه‌ر ب وه‌زاره‌تا ناڤخو ل قه‌زایا سوران هاته‌ كرن ، تارق ئه‌حمه‌د رێڤه‌به‌رێ گشتى یێ پولیسێن هه‌رێما كوردستانێ راگه‌هاند ، وه‌زاره‌تا ناڤخو گوهورین ل سه‌رجه‌م یه‌كه‌یێن خو دا كرن پێخه‌مه‌ت بجهئینانا كارناما حكومه‌تێ و چالاك كرنا دام و ده‌زگه‌هێن خو و خزمه‌تكرنا وه‌لاتیان

ناڤبرى راگه‌هاند ژى ، به‌رى نوكه‌ رێبه‌ر ئه‌حمه‌د وه‌زیرێ ناڤخو یێ حكومه‌تا هه‌رێما كوردستانێ ئاماژه‌ ب وێ چه‌ندێ دا كو گوهورین ل سه‌رجه‌م پوستێن وه‌زاره‌تا ناڤخو دێ هێته‌ كرن ، هه‌ر ژ بنگه‌هێ پولیسان حه‌تا رێڤه‌به‌رێن گشتى ، و نوكه‌ گوهورینان ده‌سپێكریه‌ و دێ دبه‌رده‌وام بن

رێڤه‌به‌رێ گشتى یێ پولیسێن هه‌رێما كوردستانێ سوپاسیا هه‌مى وان رێڤه‌به‌ر و ئه‌فسه‌ران كر كو ل یه‌كه‌یێن ئیدارى یێن وه‌زاره‌تا ناڤخو دا خزمه‌ت كرى