وەزارەتا ساخلەمیا حكومەتا هەرێما كوردستانێ، تووشبوونا 237 كەسێن دی ب ڤایرۆسێ كۆرۆنایێ راگەهاند.
د راگەهاندنا خو دا وەزارەتا ساخلەمیێ ئامارا 24 دەمژمێرێن بوری راگەهاند و دیاركر, 6 هزار و 20 پشكنین هاتینە ئەنجامدان و ژ وان پشكنینان دەركەفتیە 237 كەسێن دی هەلگرێن ڤایروسێ كورونایێ بوون, 21 ژ وان ل پارێزگەها دهوكێ و 135 ل پارێزگەها هەولێرێ و 68 ل پارێزگەها سلێمانیێ و 11 ل گه‌رمیان.
هەروەسا وەزارەتا ساخلەمیێ راگەهاند د 24 دەمژمێرێن بوری دا چ كه‌سان ل هەرێما كوردستانێ ژ ئەگەرێ ڤایروسێ كورونایێ گیانێ خو ژ دەست نه‌دایە.
ئه‌ڤرو 83 نه‌خوش كو هه‌لگرێن ڤایروسێ كورونایێ بون چاره‌سه‌ربون و 25 نه‌خوشێن چاره‌سه‌ربوویى ژ پارێزگه‌ها دهوكێ بوون .
