وه‌زاره‌تا ساخله‌میێ: سه‌باره‌ت ڤاكسینێ كورونایێ دگه‌ل كومپانیا ڤایزه‌ر د دان و ستاندنان داینه‌

ئاسو حه‌وێزى ئاخفتنكه‌رێ وه‌زاره‌تا ساخله‌میێ بو مالپه‌رێ فه‌رمیێ پارتی دیموكراتى كوردستان راگه‌هاند كو لیژنه‌كا وه‌زاره‌تا ساخله‌میێ ب سه‌روكاتیا وه‌زیرێ ساخله‌میێ دگه‌ل كومپانیا ڤایزه‌ر كومبویه‌ . كومپانیا ناڤبرى كو ژلایێ رێكخراوا ساخله‌میا جیهانی موله‌تا دابه‌شكرنا ڤاكسینى پێ هاتیه‌ دان . مه‌ژى دڤێت مفاداربین هه‌ر چه‌نده‌ عیراقێ گرێبه‌ستا كرینا ڤاكسینێ ڤایزه‌ر دگه‌ل وێ كومپانیێ ئیمزا كریه‌ به‌لێ ئه‌گه‌ر تێرانه‌كر ئه‌م دشێن بخو وه‌ك هه‌رێما كوردستانێ بكرین . ئاخفتنكه‌رێ وه‌زاره‌تا ساخله‌میێ گوت ژى سه‌روكێ حكومه‌تا هه‌رێما كوردستانێ ئاماده‌یا خو دیاركر بو وێ چه‌ندێ ئه‌گه‌ر پێدڤى بو ‌ وه‌زاره‌تا ساخله‌میێ سه‌رپشكه‌ كو ڤاكسینى بكریت . مه‌ دگه‌ل كومپانیا ناڤبرى به‌حسێ چا‌وانیا بكارئینانا ڤاكسینى ژى كریه‌ بتایبه‌تى مه‌ لیژنا شیره‌تكارى ژى هه‌یه‌ بو بكارئینانا ڤاكسینى . دكتور ئاسو حه‌وێزى گوت دڤێت هه‌ر كه‌سه‌ك دوو جاران ڤاكسینى بكاربینیت و مه‌ دانوستاندن دگه‌ل كومپانیێ كرینه‌ لسه‌ر چا‌وانیا بكارئینانا ڤاكسینى . ئه‌م ل وه‌زاره‌تا ساخله‌میێ دێ هه‌مى بزاڤا كه‌ین كو دده‌مێ گه‌هشتنێ دا ب باشترین ره‌نگ بو وان كه‌سێن پێدڤى  بكاربینین هه‌ر وه‌سا لسه‌رچاوانیا هه‌لگرتنا ڤاكسینى ژى دێ مه‌ زانیارى هه‌بن