وەزارەتا ساخلەمیا حكومەتا هەرێما كوردستانێ، تووشبوونا 570 كەسێن دی ب ڤایرۆسێ كۆرۆنایێ راگەهاند.
د راگەهاندنا خو دا وەزارەتا ساخلەمیێ ئامارا 24 دەمژمێرێن بوری راگەهاند و دیاركر, 7 هزار و 774 پشكنین هاتینە ئەنجامدان و ژ وان پشكنینان دەركەفتیە 570 كەسێن دی هەلگرێن ڤایروسێ كورونایێ بوون, 216 ژ وان ل پارێزگەها دهوكێ و 76 ل پارێزگەها هەولێرێ و 245 ل پارێزگەها سلێمانیێ و 29 ل گه‌رمیان و 4 ل راپه‌رین
هەروەسا وەزارەتا ساخلەمیێ راگەهاند د 24 دەمژمێرێن بوری دا 8 كه‌سان ل هەرێما كوردستانێ ژ ئەگەرێ ڤایروسێ كورونایێ گیانێ خو ژ دەست دایە.
هه‌ر دڤى بیاڤى دا وه‌زاره‌تا ساخله‌میێ دیاركر ئه‌ڤرو 778 نه‌خوش كو هه‌لگرێن ڤایروسێ كورونایێ بون چاره‌سه‌ربون و 192 نه‌خوشێن چاره‌سه‌ربوویى ژ پارێزگه‌ها دهوكێ بوون
