وەزارەتا ساخلەمییا حكومەتا هەرێما كوردستانێ، تووشبوونا 570 كەسێن دی ب ڤایرۆسێ كۆرۆنایێ راگەهاند.
د راگەهاندنا خۆ دا وەزارەتا ساخلەمییێ ئامارا 24 دەمژمێرێن بووری راگەهاند و دیاركر, 7 هزار و 523 پشكنین هاتینە ئەنجامدان و ژ وان پشكنینان دەركەفتییە 570 كەسێن دی هەلگرێن ڤایروسێ كورونایێ بوون, 219 ژ وان ل پارێزگەها دهوكێ و 135 ل پارێزگەها هەولێرێ 195 ل پارێزگەها سلێمانیێ 17 ل گه‌رمیان و 4 ل ڕاپه‌رین.
هەروەسا وەزارەتا ساخلەمییێ راگەهاند د 24 دەمژمێرێن بووری دا 9 كه‌سان ل هەرێما كوردستانێ ژ ئەگەرێ ڤایروسێ كورونایێ گیانێ خو ژ دەست دا یە.
ئه‌ڤرۆ 491 نه‌خوش كو هه‌لگرێن ڤایروسێ كورونایێ بوون چاره‌سه‌ربوون و 177 نه‌خوشێن چاره‌سه‌ربووى ژ پارێزگه‌ها دهوكێ بوون.
