پشتى به‌لاڤبونا ده‌نگوباسێ دانا بریارا قه‌ده‌غا هاتن وچونێ ل هه‌رێما كوردستانێ وه‌زاره‌تا ساخله‌میێ ره‌ت كر كو بریاره‌كا ژڤى ره‌نگى هاتبیته دان وبریاره ژى لڤێ حه‌فتیێ لیژنا بلندا روى ب رویبونا كورونایێ كومبیت . دكتور ئاسو حه‌ویزى ئاخفتنكه‌رێ وه‌زاره‌تا ساخله‌میێ دراگه‌هاندنه‌كێ دا بو مالپه‌رێ فه‌رمیێ پارتى دیموكراتى كوردستان راگه‌هاند كو ئه‌و ده‌نگوباسێ بناڤێ وه‌زیرێ ساخله‌میێ سه‌باره‌ت دانا بریارا قه‌ده‌غا هاتن وچونێ به‌لاڤبووى یا دویره ژ راستیێ دنوكه دا چ بریاره‌ك لدور قه‌ده‌غا هاتن وچونێ ل هه‌رێما كوردستانێ نه‌هاتیه دان . حه‌وێزى ئاماژه بهندێ ژى دا كو هه‌ر بریاره‌ك لدور قه‌ده‌غا هاتن وچونێ بهێته دان وهى ده‌مى دێ ب فه‌رمى ژلایێ وه‌زاره‌تا ساخله‌میێ ڤه هێته به‌لاڤكرن . بریاره لڤێ حه‌فتیێ لیژنا روى ب روى بونا ڤایروسێ كورونایێ ل هه‌رێما كوردستانێ كومبیت وبریاره رێنمایێن نوى لدور ره‌وشا ساخله‌میا خوپارێزیێ ژ په‌تایا كورونا بهێنه دان
