ئهڤرو درێ و رهسمهكی دا دانا عهبدولكهریم وهزیرێ ئاڤهدانكرن وئاكنجیبونێ ئیمزا لسهر داخازناما سێ مهزنه كومپانیێن جیهانی كر بو ئامادهكرنا بهایێ ئابورى یێ هێلێن ئاسنى یێن ههرێما كوردستانێ. لدویڤدا دكونگرهكێ روژنامهڤانى دا وهزیرێ ئاڤهدانكرن وئاكنجیبونێ راگههاند كو نوكه ئهم ئامادهینه بو داخازكرنا وان كومپانیان بو قوناغا دهستپێكى یا پروژێ هێلێن ئاسنى یێن ههرێما كوردستانێ ئاماژه ژى دا كو ئهو سێ كومپانیه دڤى بیاڤى دا دپێشهنگن وپێكهاتینه ژ دوو كومپانیێن ئیسپانى وكومپانیهكا ئهلمانى. وهزیرێ ئاڤهدانكرن وئاكنجیبونێ سوپاسیا مهسرور بارزانى سهروكێ حكومهتا ههرێما كوردستانێ كر كو بهردهوام پشتهڤانیا ڤى پروژهى دكهت. ههروهسا گوت ئهم وهك وهزارهتا ئاڤهدانكرن وئاكنجیبونێ ههمى بزاڤێت خو دێ مهزێخین كو دههمى قوناغاندا پێشكهفتنێ بدهستڤه بینین د دبیاڤێ سلامهتیا وهلاتیان و زێدهكرنا داهاتى و د باشتركرنا ئابورێ ههرێما كوردستانێ دا رولێ خو ببینین
