پشتى دوهى هێزێن ههڤپهیمانان كاروانهكێ دى یێ هاریكاریێن لهشكرى پێشكێشى وهزارهتا پێشمهرگهیى كرین كونولیل دیڤد ویلیهمس فهرماندێ سهنتهرێ ههڤپشك یێ هێزێن ههڤپهیمانێن دهولهتى ل ههرێمێ راگههاند كو هاریكاریێن وان بو هێزێن پێشمهرگهیى دێ د بهردهوامبن و دیاركر دێ چهندین كهل وپهلێن دى یێن لهشكرى بو هێزێن پێشمهرگهیى هنێرن، ههروهسا دیاركر هاریكاریێن وان یێن لهشكرى یێن ڤێ گهرێ دگههنه 12 ملیون دولاران و پێكدهێن ژ 98 ترومبێلێن لهشكرى و 50 ههمهر و چهندین ئهمبولانسان و دیاركر كو ئهو هاریكاریێن حهتا نوكه بو پێشمهرگهیى هاتینه هنارتن گههشتینه نێزیكى 400 ملیون دولاران ، دیڤد ویلیهمس راگههاند تیرورستێن داعش هێشتا گهلهك دهڤهرێن عیراقێ ماینه و مهترسیا داعش بدوماهیك نه هاتیه و هێزێن ههڤپهیمانان دگهل هێزێن پێشمهرگهیى دێ دبهردهوامبن ل شهرێ دژى تیرورێ دا.
