هه‌ڤپه‌یمانیا ده‌وله‌تى یا دژى داعش راگه‌هاند كو ئه‌ركێ هێزێن وان ل عێراقێ پێشكێشكرنا مه‌شق و راهێنانێ یه ب هێزێن ئه‌منى ل عێراقێ و ئاماژه ب وێ چه‌ندێ دا كو نوكه بتنێ هێزێن ئه‌منى ل عێراقێ ل سه‌ر ئه‌ردى شه‌رى دژى داعش دكه‌ن.
دڤى بیاڤى دا ئاخفتنكه‌رێ هه‌ڤپه‌یمانیا ده‌وله‌تى یا دژى داعش ۆاین مارۆتو د داخویانیه‌كێدا دا ئاماژه ب وێ چه‌ندێ كرییه كو گوهورین ب سه‌ر ئه‌ركێ مه ل عیراقێ نه‌هاتییه ، ئه‌وژى پشته‌ڤانى و پێشكێشكرنا مه‌شق و ڕاهێنانێیه ب هێزێن ئه‌منى ل عێراقێ.
واین ماروتو راگه‌هاند ژى كو هه‌بوونا هێزێن مه ل عێراقێ بو ژناڤبرنا داعشێ یه ، ئه‌ڤ چه‌نده‌ژى ل سه‌ر داخوازا حكومه‌تا عێراقێ بوو و هێزێن ئه‌منى ل عێراقێ و هه‌ڤپه‌یمانیا ده‌وله‌تى یا دژى داعش هه‌ڤپشكێن ئێكن و مه هه‌ردوویان ئارمانجه‌كا هه‌ڤپشك هه‌یه ئه‌وژى ژناڤبرنا داعشێ یه.
