ب مه‌ره‌ما زێده‌كرنا قه‌بارێ گوهورینا بازرگانى داكو وه‌لاتى مفایى ژێ ببینن ، ئاماده‌كارییێن باش هاتینه كرن بو وێ چه‌ندێ ئاسته‌نگ نه‌مینن، حكومه‌تا هه‌رێما كوردستانێ ژى ته‌ئكید ل وێ چه‌ندێ كرییه كارئاسانیێن ته‌مام بو بازرگانان بهێنه كرن.
ژلایه‌كێ ڤایروسێ كورونا و ژلایه‌كێ دى گرانبوونا بهایێ دولارى ئاسته‌نگ ل هه‌مبه‌ر قه‌بارێ گوهورینا بازرگانى دناڤبه‌را ولاتان دا دروستكرییه.
لدویڤ پلانێ ئاماده‌كاریێن باش هاتینه كرن ئه‌ڤ ساله دێ سالا زێده‌كرنا قه‌بارێ گوهورینا بازرگانى بیت بو هه‌رێما كوردستانێ.
نه‌وزاد شێخ كامل رێڤه‌به‌رێ گشتى یێ بازرگانى ل هه‌رێما كوردستانێ گوت ، دێ بزاڤێ كه‌ین هه‌ر كاره‌كێ ب ساناهى بو بارزگانان بكه‌ین بو هندێ بشێن ب زویترین ده‌م كه‌لوپه‌لێن پێدڤى ب گه‌هیننه هه‌رێما كوردستانێ، ئه‌ڤ ساله ژى مه به‌رنامه‌یه‌ك هه‌یه ل جهێ وێ چه‌ندێ بازرگان بهێنه هه‌ولێرێ و رێكارێن وان دره‌نگ بكه‌ڤن، دێ نڤیسینگه‌هان ل سلێمانیێ و دهوكێ و سوران ڤه‌كه‌ین بو هندێ ب ساناهیترین رێك كه‌لوپه‌لان بیننه هه‌رێما كوردستانێ.
