كومیسارا بلندا مافێ مروڤى یا نه‌ته‌وێن ئێكگرتى و رێپورته‌رێ تایبه‌تێ نه‌ته‌وێن ئێكگرتى بو پرسێن مافێ مروڤى ل ئیرانێ سه‌باره‌ت ده‌سته سه‌ركرنا ب كومه‌ل یا وه‌لاتى و چالاكڤانێن روژهه‌لاتێ كوردستانێ نه‌رازیبوونا خو ده‌ربرى و داخوازا رونكرنێ ژ ئیرانێ كر .
ئه‌ڤرو نوینه‌رێ كومه‌لا مافێ مروڤى یێ كوردستانا ئیرانێ سه‌باه‌رت ده‌سته سه‌ركرنا چالاكڤانێن كورد ، ب ره‌نگه‌كێ ئونلاین دگه‌ل به‌رپرسێ نڤیسنگه‌ها كومیساریا بلندا مافێ مروڤى و نڤیسینگه‌ها جاوید ره‌حمان رێپورته‌رێ نه‌ته‌وێن ئێكگرتى بو پرسێن مافێ مروڤى ل ئیرانێ كومبوو و داخوازكر بزاڤێن بهێنه كرن بو راگرتنا ده‌سته سه‌ركرنا ب كومه‌ل ل ئیرانێ .
هه‌روه‌سا نوینه‌رێ كومه‌لا مافێ مروڤى دیاركر كو ل روژێن بهێت نامه‌یه‌كا بله‌ز دێ بو ئیرانێ هنێرن و دێ تێدا داخوازێ ژێ كه‌ن گرتنا لاوێن كورد بهێته راگرتن و هه‌روه‌سا برێكا دبلوماسی دێ گڤاشتنێ ئێخنه سه‌ر ئیرانێ بو راوه‌ستاندنا ده‌سته سه‌ركرنا ب كومه‌ل .
