نێچیرڤان بارزانى جێگرێ سه‌روكێ پارتى دیموكراتى كوردستان ب هەلکەفتنا 68 سالیا دامەزراندنا ئێکەتیا قوتابیێن كوردستانێ و ئێكه‌تیا لاوێن دیموكراتا كوردستانێ دوو په‌یامێن جودا راگه‌هاندن و سالروژا دامه‌زراندنا وان هه‌ردوو رێكخراوان پیروزكر
نێچیرڤان بارزانى د په‌یاما پیروزباهیێ دا بو دامه‌زرندنا ئێكه‌تیا قوتابیێن كوردستانێ دبێژیت ئێكه‌تیا قوتابیان خودان دیروكه‌كا پره ل سه‌روه‌ریێ و زێده‌بارى خه‌بات و قوربانیدانێ و دانا چه‌ندین شه‌هیدان ئێكه‌تیا قوتابیان لاندكا پێگه‌هاندنا چه‌ندین سه‌ركرده و تێكوشه‌ر و خه‌باتكه‌رێن گه‌لێ مه‌بویه، هه‌روه‌سا ئێكه‌تیا قوتابیان ئه‌رگێ گرنگێ نیشتیمانى و پێشه‌یى ل ستویێ خو گرتیه و ب تایبه‌ت د پێگه‌هاندن و هشیاركرنا كادرێن دلسوز و ژێهاتى و پشته‌ڤانیكرنا به‌هره‌مه‌ند و خودان شیان و داهێنه‌ران و روله‌كێ مه‌زن ژى د دارشتن و گه‌شه‌پێدانا سیسته‌مێ خوداندنێ دا و پێشڤه‌برنا زانستى دا هه‌بویه
نێچیرڤان بارزانى جێگرێ سه‌روكێ پارتى دیموكراتى كوردستان د په‌یاما پیروزباهیێ دا بو دامه‌زراندنا ئێكه‌تیا لاوێن دیموكراتا كوردستانێ دبێژیت ئێكه‌تیا لاوان دیروكه‌كا پر سه‌روه‌رى و هێژا هه‌یه، لاو سامانێن نه‌ته‌وه‌یى نه و ته‌خه‌كا گرنگن ژبو گهورین و گه‌شه‌پێدانا جڤاكى، هه‌روه‌سا نوكه ژى دا چاڤه‌رێى رولێ كاریگه‌ر یێ ئێكه‌تیا لاوانین د جڤاكى دا دكه‌ین، نیچیرڤان بارزانى دووباره سالروژا دامه‌زراندنا هه‌ردوو رێكخراوێن قوتابى و لاوان ل هه‌مى قوتابى و لاوێن كوردستانێ و هه‌مى خه‌باتكه‌رێن بزاڤا رزگارى خوازا ملله‌تێ كورد پیروز كر
