سه‌روكێ هه‌رێما كوردستانێ ب هه‌لكه‌فتا شۆره‌شا گولانێ په‌یامه‌ك به‌لاڤكر و راگه‌هاند، بلا ئه‌ڤ بیره‌وه‌ریه ببیته پالده‌ره‌ك بۆ ب هێزكرنا ئێكرێزیێ و ئێكدو قه‌بویلكرنێ.
ئه‌ڤرۆ چل و پێنج سال ب سه‌ر ده‌ستپێكرنا شۆره‌شا گولانێ ده‌ربازبوون، نێچیرڤان بارزانى گۆت: ب رێز ڤه بیره‌وه‌ریا شۆره‌شا گولانێ ساخ دكه‌ین كو درێژه‌پێدانا شۆره‌شا مه‌زنا ئه‌یلۆلێ ب رێبه‌ریا بارزانیێ نه‌مر و دیاركه‌رێ راستیا دیرۆكێ و به‌رسڤدانا خواست و ئومێدا گه‌لێ كوردستانێ بوو.
سه‌روكێ هه‌رێما كودستانێ گۆت ژى: چا‌ڤه‌رێ نه ژ هه‌مى كادر و ئه‌ندام و لایه‌نگرێن دلسوزێن پارتى دیمۆكراتى كوردستان، وه‌ك هه‌مى ده‌مان خه‌مخۆر و دلسۆزبن و رۆلێ وان یێ كاریگه‌ر دڤى بیاڤی دا، هه‌تا گه‌هشتن ب هه‌مى ماف و خه‌ونێن گه‌لێ كورد.
ئاماژه‌ب هندێ ژى كر، شۆره‌شا رابوون، به‌رهنگاربوون و ئازادى، فره‌ده‌نگى وفره‌ره‌نگیێ و بزاڤا رزگاریخوازا گه‌لێ كوردستانێ كو ژ پێخه‌مه‌ت پێكئینانا به‌ره‌یه‌كى ئێكگرتى یێن لایه‌نێن كوردستانى و سه‌رئێخستنا سه‌رهلدانا 1991 بوو.
