ئهڤرو نێچیرڤان بارزانی سهروكێ ههرێما كوردستانێ پێشوازی ل ستیگ پاولو پیراس بالیوزێ دانیمارك ل عیراقێ كر
ددیدارێ دا زێدهباری دوپاتكرنا ههڤسوزیا دانیمارك دگهل ههرێما كوردستانێ ژبو هێرشا شڤێدی لسهر ههولێرێ ههردوولایان پێشڤهبرنا پهیوهندیێن ههرێما كوردستانێ و عیراقێ دگهل دانیمارك گهنگهشهكرن و دلایهكێ دى دا پهیوهندیێن ههولێر و بهغدا و چهوانیا چارهسهركرنا كێشهیان و بودجا گشتی یا عیراقێ بو ئهڤ ساله و پشكا ههرێما كوردستانێ و ههلبژارتنێن بهێن یین عیراقێ و رولێ نهتهوێن ئێكگرتی و جڤاكێ دهولهتی د هاریكاری و پشتهڤانیكرنا عیراقێ دا ژبو دهربازبوونا كێشه و قهیرانان هاتنه بهحسكرن
نێچیرڤان بارزانی ژبو دوباره ڤهكرنا بالیوزخانا دانیمارك ل بهغدا پیروزباهی ل وهلاتێ دانیمارك كر و ب پێنگاڤهكا گرنگ ژبو هاریكاریكرنا عیراقێ دا زانین و ههروهسا سوپاسیا پشتهڤانی و هاریكاریا دانیمارك بو عیراقێ و ههرێما كوردستانێ دچارچوڤێ ههڤپهیمانیا دهولهتی دا كر، ههروهسا هیڤی خواست دانیمارك هاریكاریێن خو دگهل عیراق و ههرێما كوردستانێ زێدهتر لێ بكهت و گرنگیی ب بیاڤێ وهبهرهێنان و سهرمایه گوزاریێ ل ههرێما كوردستانێ بدهت، گرنگیا پاراستنا ئێمناهیێ و ههبوونا ههماههنگیا ئهمنی و لهشكهری دناڤبهرا ههرێما كوردستانێ و حكومهتا فیدرال ل دهڤهریێن مادێ 140 و دوماهیك پێشهات سهبارهت بهلاڤبوونا ڤایروسێ كورونایێ و پیێنگاڤێن دوماهیی دژی ڤی ڤایروسی و رهوشا دهڤهرێ ب گشتی و چهند بابهتێن دی پشكهكا دی یا وێ دیدارێ بون
