نێچیرڤان بارزانى سه‌وركێ هه‌رێما په‌یامه‌ك سه‌باره‌ت ئاخفتنێن ئه‌ڤرو یێن مسته‌فا كازمى سه‌روك وه‌زیرێن عێراقێ به‌لاڤكر
ئه‌ڤرو د گوتاره‌كێ دا ب هه‌لكه‌فتا خاتر خواستنێ ل بابا فرانسیس پاپایێ ڤاتیكانێ، مسته‌فا كازمى سه‌روك وه‌زیرێن عێراقا فیدرال راگه‌هاند ، حكومه‌تێ پێدڤى ب ده‌می هه‌یه بو پاراستنا عێراقێ و نوكه وه‌لاتێن دونیایێ پشته‌ڤانیا عێراقێ دكه‌ن بو ئه‌نجامدانا چاكسازیێ، گوت ژى داخازا دان و ستاندێن نشتیمانى دكه‌ین بو رێكه‌فتنا دویماهیێ دناڤبه‌را هه‌رێما كوردستانێ و عێراقێ دا
سه‌باره‌ت ڤێ په‌یامێ نێچیرڤان بارزانى سه‌روكێ هه‌رێما كوردستانێ د تویته‌كى دا د تورا جڤاكى یا تویته‌رى دا راگه‌هاند، پشته‌ڤانیێ ل داخازیا سه‌روك وه‌زیرێن عیراقێ مسته‌فا كازمى دكه‌ین بو دانوستاندنێن نشتیمانى دناڤبه‌را عێراقێ و هه‌رێما كوردستانێ و دان و ستاندنێن نشتیمانیێن راسته‌قینه یێن بهێز بو رێكه‌فتنا ئێكجارى و چاره‌سه‌ریێن بنه‌ره‌تى یێن كێشێن هه‌رێما كوردستانێ دگه‌ل حكومه‌تا فیدرال لدویڤ مافێن ره‌وا یێن وه‌لاتیان و به‌ندێن دستورى
