ئه‌ڤرو نێچیرڤان بارزانی سه‌روكێ هه‌رێما كوردستانێ پێشوازی ل ماتیو توله‌ر بالیوزێ ئه‌مریكا ل عیراقێ كر
د كومبونێ دا دوماهیك پێشهاتێن ئه‌منى و سیاسى یێن عیراقێ و هێرشا لسه‌ر هه‌ولێرێ و لدویڤدا هێرشێن ده‌ڤه‌را كه‌سه‌ك ل به‌غدا و باژێركێ به‌له‌د هاتنه به‌حسكرن و دووپاتى لسه‌ر گرنگى و پێدڤیا هه‌ماهه‌نگیێ دناڤبه‌را لایه‌نێن په‌یوه‌ندیدار ل عیراقێ و هه‌رێما كوردستانێ و به‌رده‌وامیا هاریكارى و پشته‌ڤانیا هه‌ڤپه‌یمانیا ده‌وله‌تى بو به‌رهنگاریا تیرورێ و پاراستنا ئێمناهیا ده‌ڤه‌رێ هاته‌كرن
بالیوزێ ئه‌مریكا پێگیریا وه‌لاتێ خو ب به‌رده‌وامیا دان و ستاندنێن ستراتیژى یێن ئه‌مریكا و عیراق دووپاتكر، نێچیرڤان بارزانى ژى ئه‌و دان و ستاندنێن ستراتیژى بو پیشڤه‌برنا په‌یوه‌ندیێن ئه‌مریكا دگه‌ل عیراقێ و هه‌رێما كوردستانێ ب گرنگ ل قه‌له‌م دان و دووپاتكر كو هه‌رێما كوردستانێ دخوازیت په‌یوه‌ندیه‌كا ساخله‌م دگه‌ل حكومه‌تا فیدرال هه‌بیت لسه‌ر بنه‌مایێ بجهئینانا به‌ندێن دستورى
هه‌روه‌سا ره‌وشا هه‌رێما كوردستانێ و گرنگیا ئێكرێزیا لایه‌نێن سیاسى و دوماهیك پێشهاتێن به‌لاڤبونا ڤایروسێ كورونایێ و هه‌لبژارتنێن بهێت یێن حكومه‌تا عیراقێ و رێكه‌فتنا هه‌رێم و به‌غدا لسه‌ر بودجێ و داهاتى و ئاسایى كرنا ره‌وشا شنگالێ د وێ كومبونێ دا هاتنه گه‌نگه‌شه‌كرن
