ئهڤرو نێچیرڤان بارزانى سهروكێ ههرێما كوردستانێ پێشوازى ل سهید عهممار ئهلحهكیم سهروكێ رهوتا حیكمه یا نیشتیمانى یا عیراقی كر بو پشكداریكرن د رێورهسمێن بیرهوهریا شههیدێ میحرابێ ئایهتولا محهمهد باقر ئهلحهكیم ل ههولێرێ.
دڤێ دیدارێ دا كو جێگرێن سهروكێ ههرێما كوردستانێ ئامادهبوون ، نێچیرڤان بارزانى رولێ خودێ ژێ رازى شههید محهمهد باقر ئهلحهكیم د روى بریبوونا رژێما بهرێ و ههلویستێن وى بۆ پشتهڤانییا مافێ گهلێ كوردستانێ و لێكنێزیكرنا لایهن و پێكهاتێن عێراقێ بلند نرخاند.
ههر دڤێ دیدارێ دویماهیك پێشهاتێن رهوشا سیاسى و ئهمنى ل عێراقێ و كێشێن ههولێر وبهغدا و بزاڤ و دانوستاندنێن چارهسهركرنا بنهمایێن دهستورى و پێشهاتێن بهلاڤبونا ڤایروسا كورونایێ بهحسكرن.
ههروهسا دووپاتى ل وێ چهندێ هاتهكرن كو پێدڤییه ئهم ههمى پێكڤه ئهركێ خو یێ نیشتمانى بجهبینین ژ پێخهمهت ئارامى و سهقامگێریا وهلاتى.
