ئهڤرو نێچیرڤان بارزانى سهروكێ ههرێما كوردستانێ پێشوازیا خولوسى ئاكار وهزیرێ بهرهڤانیا توركیا و شاندێ دگهل دا كر .
دكومبوونهكێ دا كو جێگرێ سهروك وهزیران و وهزیرێ پێشمهرگهى و سوپاسالارێ ههرێما كوردستانێ و بهرپرسێ پهیوهندیێن دهرڤه یێن ههرێمێ دئامادهبوون بهحسێ سهرهدان و دیدارێن وهزیرێ بهرهڤانیا توركیا ل بهغدا و ههولێرێ هاته كرن و ههردوو لا تهئكید ل سهر پاراستنا ئارامى و سهقامگێریا دهڤهرێ و گرنگیا هاریكارى و ههماههنگیا عیراقێ و ههریما كوردستانێ دگهل توركیا هاته كرن .
سهروك نێچیرڤان بارزانى زێدهبارى سوپاسیكرنا توركیا بو هاریكاریكرنێ ل شهرێ داعش بو عیراق و ههرێما كوردستانێ دووپاتكر كو نابیت ئاخا عیراقێ و ههرێما كوردستانێ وهك پێگهههك بو هێرشكرنا سهر توركیا و وهلاتێن جیران بكار بهێت .
بهرهف پێشبرنا پهیوهندیێن عیراقێ و ههرێما كوردستانێ دگهل توركیا د ههمى بیاڤان دا و پهیوهندیێن ههولێر و بهغدا و ههروهسا رهوشا دهڤهرێ ب گشتى و رێككهفتنا شنگال و گرنگیا بجهئینان وێ و گرنگیا پاراستنا سنوران و پهیوهندیێن دگهل توركیا تهوهرهكێ دیێ كومبوونێ بوو .
