بههلكهفتا بیرهوهریا كیمیابارانكرنا باژێرێ ههلهبچه كو ئهڤرو 33 سال بسهر ڤێ كارهساتا دلتهزین بورین نێچیرڤان بارزانى سهروكێ ههرێما كوردستانێ پهیامهك راگههاند ئهڤه دهقێ وێ یه
ئهڤرو 33 سال بسهر كیمیابارانكرنا ههلهبچه بدهستێ رژێما بهعس وشههیدبونا زێدهتر ژ پێنج هزار وهلاتیێن بێ تاوان وبرینداربونا ب هزاران خهلكێ دى ووێرانبونا باژێری ودهربدهربونا خهلكێ باژێرى دهربازدبن . دبیرهوهریا ڤێ كارهساتا كو چجار ناهێته ژبیركرن كو بسهر گهلێ مهدا هاتى سهرهراى سلاڤ وسهرچهماندنا ژئاست شههیدان وقوربانیان وهكى ههردهم تهئكید ل ئێكرێزى وتهبایێ وثیكڤهژیانا ههمى لایهن وپیكهاتێن كوردستانێ دكهین . دڤێ بیروهریێ دا دوباره تهئكید ل گرنگیا زێدهتر ب باژێرێ ههلهبچه وخهلكێ وێ دكهین خزمهتا برینداران وكهسوكارێن قوربانیان كار وپێنگاڤێن زێدهتر ژمه دخوازیت كو ژههژى باژێرێ ههلهبچه وخهلكێ وێ یێ سهربلند بیت . هیڤیدارین حكومهتا عیراقا فیدرال وهك بهرپرسیاریا یاسای وئهخلاقى دڤى بیاڤى دا ئهركێ خو بجهبینیت . وبو قهرهبوكرنا ئاكنجیێن باژێرێ ههلهبچه پێنڤاڤێن كردار بهاڤێژیت . دبیرهوهریا كیمیابارانكرنا ههلهبچه داخواز ژ كومهلگهها نیڤدهولهتى دكهین كو كارێ جددى بكهن قهدهغهكرنا بهرههمئینان وبكارئینانا ههمى جورێن چهكێن كومكوژیێ وبنبركرنا چهك وتهكنهلوژیایا مرنێ . دڤێت ئهڤه خهما ههمى جیهانێ بیت ژپێخهمهت پاراستنا ژیان وژینگهه وشارستانیهتێ . شههیدێن ههلهبچه وههمى شههیدێن گهلێ مه دناخێ مهدانه ودویژدانا كوردستانیادا دزیندى نه . سلاڤ ورێز بو گیانێ وان یێ پاك
نێچیرڤان بارزانى سهروكێ ههرێما كوردستانێ
