نێچیرڤان بارزانى سه‌روكێ حكومه‌تا هه‌رێما كوردستانێ د رێوره‌سمێ شه‌هیدێ نیشتمانى ل هه‌ولێرێ به‌حس ل پێكڤه كاركرنا عێراقیان بو داهاتییه‌كێ باشتر كر.
ئاماژه ب وێ چه‌ندێ دا كێشێن چ نه‌ته‌وه و پێكهاته‌یێن عێراقێ نابنه جهێ سه‌ركه‌فتنێ بۆ پێكهاتێن دى یێن عێراقێ ، به‌لكى ده‌رئه‌نجام دێ دخرابن بو هه‌مى پێكهاتان.
بارزانى گوت ، ئه‌م د ئاماده‌ینه دانوستاندنان ب ئاشكرای بكه‌ین بو راستكرنا پروسه‌یا سیاسى ل عێراقێ.
سه‌روكێ هه‌رێما كوردستانێ راگه‌هاند ئاریشا عیراقێ نه‌بوونا شه‌راكه‌تا راسته دناڤبه‌را پێكهاته‌یان دا و پێدڤیه هه‌ر ژ ئه‌ڤرو ده‌ست ب دانوستاندن و لێكتێگه‌هشتنێن جددى و ب ئاشكراى بكه‌ین ، نابیت چاڤه‌رێی كێشمه‌كێشا هه‌لبژارتنان بكه‌ین و دڤێت ململانێن خۆ بده‌ینه لایه‌كێ.
