مهسرور بارزانى سهرۆكوهزیرێن ههرێما كوردستانێ د چالاكیا سالانه یا تێدێكسا نیشتیمانی دا راگههاند: بۆ گههشتنا ئارمانجا چاكسازیێ دهم پێدڤێت، هندهك جاران ژی هندهك كهس بۆ بهرژهوهندیێن خو یێن تایبهت ئاستهنگان بۆ چاكسازیێ دروست دكهن.
مهسرور بارزانی سهروكێ حكومهتا ههرێما كوردستانێ راگههاند، ئهو كارى لسهر دیجیتالكرنا حكومهتێ دكهن و ڤهدیتنا دهلیڤێن كاری بۆ گهنجان، دیاركر بۆچوونێن گهنجان ژی دجودانه و ئهو ههژی وهلاتهكێ خۆشتر و گهشترن، ژبهر وێ چهندێ ژى نابیت دهمێ بووری بكهنه ئهگهرێ ههبوونا ڤالاتییان بۆ حكومهتێ و گهنجان و فهره ئهو ڤالاتیه نهمینیت و دزانم حهز و ئارهزویێن گهنجان د مهزنن و باش د ههستێن وان دگههین و ب ههمى شیانان حكومهت دێ كار كهت بو ڤهدیتنا دهلیڤێن كارى بو گهنجان.
سەرۆکوەزیرێن هەرێما کوردستانێ گۆت ژی: ئارمانجا وان ئابوورهكێ پشت بهست بیت و ب بهایێ نهجیگیرێ پترۆلێ بگۆهورن بۆ ئابوورهكێ پێشكهفتی تر بۆ وێ چهندێ ببینه جڤاكهكێ وهبهرهێنهر نهكو بكارهێنهر.
د پشكهكا دی یا ئاخفتنێن خودا مهسرور بارزانی بهحسێ دیجیتالكرنا حكومهتێ كر و گۆت: ب دیجیتالكرنا حكومهتا ههرێما كوردستانێ گهلهك گرنگه بۆ گههشتنا كۆمهكا دهستكهفتان.
