مه‌سرور بارزانى سه‌روكێ حكومه‌تا هه‌رێما كوردستانێ ب هه‌لكه‌فتا هاتنا جه‌ژنا نه‌وروزێ په‌یامه‌ك راگه‌هاند ئه‌ڤه‌ژى ده‌قێ وێ یه:-
ب هه‌لكه‌ڤتا جەژنا نەورۆزێ و ساڵا نوى یا کوردی، گەرمترین پیرۆزباهیان پێشكێشی کوردستانیان و ب تایبەتی پێشمەرگێن قه‌هرەمان و هێزێن ئەمنی و کەسوکار و بنەماڵێن سەربلندێن شەهیدان دکەم. هیڤیدارم ساڵا خۆشی و خۆشگوزەرانیێ بیت بۆ گەلێ کوردستانێ.
نەورۆز بۆ گەلێ کوردستانێ، هەرده‌م هێما و سمبولا ئازادی و نوى بوونا ژیان و سەرکەڤتنێ بوویه، هیڤیدارم ئەڤ نەورۆزە، ببیتە ئه‌گه‌رێ ب ده‌ستڤه‌ئینانا هه‌مى مافان و سه‌ركه‌فتن ب سه‌ر هه‌مى دژوارى و نه‌خۆشیان دا.
ل ڤێرێ ب پێدڤى دزانم سوپاسیا خەڵکێ کوردستانێ بکەم، بۆ بێن فره‌هیا و خۆڕاگریا وان کو دهه‌ڤکاربوون بۆ هندێ حکومەتا هەرێما کوردستانێ، بشێت ڕووبڕووی قەیرانان ببیت.
هیڤیدارم حکومەتا فيدرال ئەركێن خو بۆ بجهئینانا هەمى خاڵێن دستوری بجـهـ بینیت، بۆ هندێ سەقامگیریا سیاسی و ئابووری و ئاسایش ل هەمى عیراقێدا بچه‌سپیت.
داخوازێ ژ خه‌لكى دكه‌م، كو د پابەندبن ب ڕێنمایێن ساخله‌میێ و ڕێکارێن خو پاراستنێ، ب تایبەتی د ڕۆژێن جەژنا نەورۆزێ دا، بۆ هندێ پێكڤه کاربکەین بۆ بەرهنگاربوونا كورونایێ و ژبه‌ر پاراستنا جڤاكى ب گشتی و بوراندنا ده‌مێن خۆشتر.
نەورۆزا هه‌وه پیرۆز بیت و کوردستان هەرده‌م ئاڤه‌دانتر و پێشكه‌فتیتر بیت
مەسرور بارزانی
سەرۆکێ حکومەتا هەرێما کوردستانێ
2021/3/20
