مەسرور بارزانی سەرۆکێ حکومەتا ھەرێما کوردستانێ پێشوازی ل سالار عەبدولستار وەزیرێ داد یێ حکومەتا عیراقێ کر و ھەماھەنگی و ھەڤکارییا دەستھەلاتا دادوەری و سازیێن حکومەتێ گۆتوبێژ کر.
د هەڤدیتنەکێ دا بەحس ل ھەماھەنگی و ھەڤکارییا دەستھەلاتا دادوەری و سازیێن پەیوەندیدار یێن حکومەتا ھەرێما کوردستانێ و حکومەتا فیدرال کر، ب تایبەت ھەماھەنگی د بیاڤێ پشکداریکرنێ د کۆر و کۆنفرانسێن دەولەتی دا.
هەر دهەڤدیتنێ دا هەردوولا دوپاتی ل گرنگیا رێزگرتنێ ل مافێن مرۆڤی و قەرەبووکرنا زیانڤێکەفتی و کەسوکارێن ئەنفالکرییان و قوربانیێن کیمیاباران و خرابکرنا گوندان ژ لایێ رژێما بەعس ڤە کر.
ژلایێ خوڤە سەروكێ حكومەتا هەرێما كوردستانێ داخواز کر وەزارەتا داد یا عیراقێ و دام ودەزگەھێن دادوەری یێن عیراقێ، رۆلێ گرنگ و ئەرێنی د رێگرتنێ دا ل کارێن نەقانونی و دەستدرێژیا ل سەر مال و مولکێ وەلاتیێن کورد ل دەڤەرێن کوردستانی بگێرن و رێ ل سیاسەتا گوھۆرینا دیمۆگرافییا وان دەڤەران بگرن.
