شارهزایێن سیاسى یێن دهڤهرێ دبێژن، ئهو ئارامیا ل دهڤهرێ ههى بتنێ یا ههرێما كوردستانێ یه، میلیشیایێن ئیرانێ ئهگهرێ خرابكارى و وێرانكاریێن دهڤهرێ نه، ههر دهڤهرهكا ئهو چووبنێ، وێرانكارى لدویڤ خودا ئینایه، دهڤهرێن ژێر دهستههلاتا پێشمهرگهى د ئازادن و خهلكێ جودا ژ پێكهاتێن جودا تێدا دژین.
سهروك بارزانى ئێكهم سهركردهیێ دهڤهرێ یه دگهل هێزێن خو ل بهروكێن شهرى شهر دكر ژبهر وێ چهندێ مروڤایهتى نهكهڤیته بهر گهفێن ژناڤ چوونێ و سهروك بارزانى شیا ئهفسانهیا داعش تێكبشكێنیت، ژبهر وێ چهندێ ژى سیاسهتمهدارێ عیراقی، میسال ئالووسى سهبارهت وێ ب ئارمانجگرتنا ل سهروك بارزانى دهێته كرن ژلایێ دوژمن و نهحهزێن كوردان ڤه پرسیار دكهت، ههوه بوچى گهلهك رهق و كینه بهرامبهر سهروك بارزانى ههلگریته؟ دنیا ههمى دزانیت سهروك بارزانى ئێكهم سهركردهیێ دهڤهرێ یه خهلك دشێت ب ئارامى و ب ئازادى ل دهڤهرێن ژێر دهستههلاتا وى دا بژیت، چونكه ئهم دبینین خهلكێ وهلاتێن دیتر بهرێ خو دهنه ههمى دونیایى بو وێ چهندێ لژێر دهستههلاتا وهلاتێن خودا نهمینن.
میسال ئالووسى دبێژیت ژى: ئیرانێ د دیروكێ دا خهلكێ خو ژ سهركهفتن و ئازادى و داهێنانێن ئهدهبى و هونهرى بێ بههر كریه و نوكه یا ئاشكرا یه خهلك لژێر دهستههلاتا وێ رژێمێ دا چ زوردارى لێ دهێتهكرن ، خهلك دترسن داخازا مافێ خو بكهن، چونكه دهستههلاتدارێن ئیرانێ ب دژوارى دێ ئهشكهنجه دهن.
خهلكێ كوردستانێ ب ئازادى دژین و دههرێمهكا دیاردا ب ئازادى داخازا مافێن خو دكهن. ئالووسى ئاماژه دا وێ چهندێ ژى ژ كهڤندا دهستههلاتدارێن ئیرانێ خهلكێ خو تهپهسهركریه و چ مافهكى ب یێ بهرامبهرى خو نادهن و ل دژى كوردان شهرى دكهن، كومارا كوردستانێ ل مهابادێ نمونهیهكا دیاره، نوكه ژى ئهو رژێم یا بهردهوامه دكریارێن خویناوى دا دهرحهق خهلكێ كوردستانێ و كوردان ب گشتى وهك رهڤاندن و كوشتن و سێدارهدانا خهلكى.