مه‌كته‌با سیاسى یا پارتى دیموكراتى كوردستان ب هه‌لكه‌فتا 20 سالیا دامه‌زراندنا كومه‌لا دادگه‌ریا كوردستانێ، بروسكه‌كا پیروزباهیێ بلاڤكر ئه‌ڤه ژى ده‌قێ وێ یه:
ماموستا عه‌لى باپیر سه‌روكێ كومه‌لا دادگه‌ریا كوردستانێ، ئه‌ندامێن جڤاتا بلند یا كومه‌لا دادگه‌ریا كوردستانێ.
ب هه‌لكه‌فتا 20 سالیا دامه‌زراندنا كومه‌لا دادگه‌ریا كوردستانێ پیروزباهیێ ل هه‌مى كادر و ئه‌ندام و لایه‌نگرێن حزبا هه‌وه دكه‌ین و هیڤیا سه‌ركه‌فتنێ بو هه‌وه دخوازین د خزمه‌تكرنا گه‌لێ مه‌دا.
دڤێ بیره‌وه‌ریێ دا خه‌باتا چه‌ندین سالێن هه‌وه د گوره‌پانا سیاسیا كوردستانێ دا كو به‌رهه‌مێ خوینا شه‌هیدان و ب ده‌هان سال خه‌باتا پێشمه‌رگێن قه‌هره‌مان بلند نرخینین، كو ئه‌ركێ لسه‌ر ملێ هه‌مى هێز و لایه‌نێن سیاسى یێن كوردستانێ یه ب دلسوزی و ب به‌رپرسیاره‌تیێ بزاڤێ بكه‌ن بو موكومكرن و بهێزكرنا ناڤ مالا كوردستانێ و گیانێ ئێك و دوو قه‌بیلكرنێ و پاراستنا ئاشتیێ و ئێك گوتار و ئێكگرتنا جڤاكێ مه ژپێخه‌مه‌ت پاراستنا قه‌وارێ قانونى و سیاسی یێ هه‌رێما كوردستانێ و ده‌ستكه‌فتێن مه و دابینكرنا ژیانه‌كا ژ هه‌ژى و خوشگوزه‌رانى بو وه‌لاتیان.
دوباره پیروزباهیێ ل هه‌وه دكه‌ین و هه‌ر سه‌ركه‌فتى بن
مه‌كته‌با سیاسى
پارتى دیموكراتى كوردستان
31 /5/2021
