ئهڤرو مهسرور بارزانى سهروكێ حكومهتا ههرێما كوردستانێ ب ئامادهبوونا قوباد تالهبانى جێگرێ سهروكێ حكومهتێ بهرێ بنیاتى یێ سایلویا سلێمانییێ و پروژهیێ بازاركرنا گهنمێ جوتیاران ل پارێزگهها سلێمانییێ دانا .
پروژێ ناڤبرى پێكهاتییه ژ دروستكرنا سایلویهكا مودێرن و عهمباركرن و بهرههمئینانا خارنێ و بازاركرنا دهخل و دانى و دروستكرنا بهرههمێن خارنێ ب نویترین تهكنولوژیا و ل دویڤ ستاندهرێن جیهانى، پروژێن ناڤبرى ب كۆژمێ 122 ملیون دولاران دێ هێنه بجهئینان .
پروژێن ژ ڤى جورى ل سهرجهم پارێزگههێن كوردستانێ دێ هێنه بجهئینان و سهروكێ حكومهتێ دیاركر و داخوازكر كو ههردهم خودێ پشتهڤانێ مهبیت و بشێین پروژێن دى یێن ستراتیژى بجهبینین بو پشئێخستنا ژێرخانا ئابورى د ههمى بیاڤان دا ل ههرێما كوردستانێ .
سهروكێ حكومهتا ههریمێ دهستخوشى ل گوروپێ كومپانیێن قهیوان كر بو بجهئینانا پروژهى و داخواز كر كو د داهاتى دا پروژێن مهزنتر بهێنه بجهئینان .
