ئه‌ڤرو مه‌سرور بارزانى سه‌روكێ حكومه‌تا هه‌رێما كوردستانێ پێشوازى ل مسته‌فا غالب موخیف پارێزگه‌رێ به‌نكا ناڤه‌ندى یا عیراقێ كر.
د دیداره‌كێدا گه‌نگه‌شه سه‌باره‌ت پێشڤه‌برنا هه‌ماهه‌نگى و هاریكاریێ دناڤبه‌را هه‌رێما كوردستانێ و حكومه‌تا فیدرال دبیاڤێ رێكخستنا كه‌رتێ به‌نكى و رێگرتن ژ سپیكرنا پاره‌ى و خراب بكارئینانا پاره‌یى بو كارێن نه قانونى و پشته‌ڤانیكرنا تیرورێ كر.
پارێزگه‌رێ به‌نكا ناڤه‌ندى یا عیراقێ، دووپاتى ل وێ چه‌ندێ كر كو به‌نكا ناڤه‌ندى سه‌ره‌ده‌ریێ دگه‌ل لقێن هه‌رێما كوردستانێ یێن سه‌ر ب به‌نكا ناڤه‌ندى یا عیراقێ دكه‌ت كو بنگه‌هێ وێ ل هه‌ولێرێ یه، وه‌ك لایه‌نێ فه‌رمى یێ په‌یوه‌ندیدار و تایبه‌ت ب سه‌رپه‌رشتكرنا كاروبارێن به‌نكێ ل هه‌رێمێ.
سه‌روكێ حكومه‌تا هه‌رێما كوردستانێ ژبلى ده‌ربرینا به‌رهه‌ڤیێ بو هه‌ر هاریكار و هه‌ماهه‌نگێه‌كێ دگه‌ل به‌نكا ناڤه‌ندى یا عیراقێ، دووپات ژى كر كو رێكخستنا سیسته‌مێ به‌نكى، چێدبیت ببیته بنه‌مایه‌كێ گرنگ و بهێز بو پێشئێخستنا ژێر خانا ئابوورى و پێشڤه‌برنا پروسا وه‌به‌رهێنانێ و بده‌ستڤه‌ئینانا باوه‌ریا به‌نكى بو دام و ده‌زگه‌هێن دارایى یێن ده‌وله‌تى.
