ئه‌ڤرو مه‌سرور بارزانى سه‌روكێ حكومه‌تا هه‌رێما كوردستانێ پێشوازى ل نادیا موراد چالاكڤانا ئیزدى و رزگاربوویا ده‌ستێ داعشێ كر.
دیداره‌كێدا سه‌روكێ حكومه‌تا هه‌رێمێ دووپاتكر كو حكومه‌تا هه‌رێمێ هه‌مى بزاڤان دكه‌ت ژ پێخه‌مه‌ت كێمكرنا ئازار و نه‌خوشیێن خویشك و برایێن ئیزیدى و دابینكرنا ژیانه‌كا خوش بو وان و زڤراندنا ئاواره‌یان بو جهێن وان.
هه‌روه‌سا راگه‌هاند ئیزیدى پێكهاته‌كێ ره‌سه‌ن و گرنگه ژ خه‌لكێ كوردستانێ و هه‌رێما كوردستانێ هه‌رده‌م پشته‌ڤانیىێ ل داخوازیێن وان دكه‌ین و ب سه‌دان پێشمه‌رگه ژ پێخه‌مه‌ت رزگاركرنا شنگالێ شه‌هید بوون ، له‌ورا پێدڤیه ره‌وشا شنگالێ ئاسایى بیت و ئارامى بو وێ ده‌ڤه‌رێ ڤه‌گه‌ریت.
نادیا موراد زێده‌بارى دووپاتكرنا گرنگیا خورتكرنا بزاڤان بو دیتنا ژنێن ئیزیدى و ئازادكرنا وان و زڤراندنا روفاتێن هه‌مى قوربانییێن گوندێ كوچو ، داخواز كر ب زویترین ده‌م رێكه‌فتنا شنگالێ بهێته بجهـ ئینان ژ پێخه‌مه‌ت سه‌قامگیربوونا ده‌ڤه‌رێ.
هه‌روه‌سا ته‌ئكید ل گرنگیا به‌رده‌وامیا هه‌ماهه‌نگیكرنا دگه‌ل تیمێن ڤه‌كولینێ و لێپرسینا ده‌وله‌تى ل تاوانێن داعش كر بو بده‌ستڤه هاتنا دادپه‌روه‌ریێ بو قوربانیدانا ئێزدیێن ده‌ستێن تیروریستێن داعشێ.
