خالد عه‌باس راگه‌هاند هه‌مى بنكێن سنورێ پارێزگه‌ها دهوكێ 41 بنكه‌نه، و رێژا ئه‌وێن خو توماركرین گه‌هشتیه‌شێست وسێ ژ سه‌دێ ، هه‌روه‌سا پروسا به‌لاڤكرنا كارتا بایومه‌ترى ژى یا به‌رده‌وامه بو ئه‌و ده‌نگده‌رێن خو توماركرین، به‌لێ كارتا ده‌نگدانا خو یا نوى نه‌وه‌رگریته.
ناڤبرى گوت ژى، ژ رێژا 63% ئه‌وێن خو توماركرین، 88% كارتێن ده‌نگدانێ یێن خو وه‌رگرتینه، نوكه د قوناغا نویكرنا بایومه‌ترى دانه، كو ل 2/1/2021 ده‌ستپێكریه هه‌تا 2/2/2021، دڤى ده‌مى دا زێده‌بارى تومارا بایومه‌ترى، پروسا ڤه‌گوهاستنا ده‌نگده‌ران و زێده‌كرن و توماركرنا بایومه‌ترى یا به‌رده‌وامه بو ئه‌و كه‌سێن ژ دایكبوونا وان سالا 2001 و 2002 و 2003 یه.
خالد عه‌باس ئاشكرا ژى كر بو بساناهیكرنا ده‌نگده‌رێن پارێزگه‌ها دهوكێ 30 تیمێن گه‌روك ژى مه پێكئیناینه و 18 تیم بو ده‌نگده‌رێن گشتى و 12 تیم ژى بو ده‌نگده‌رێن ئاواره، كو روژانه سه‌ره‌دانێن دام و ده‌زگه‌هێن حكومى و ئاماده‌یى و كولیژێن پارێزگه‌ها دهوكێ دكه‌ن.
