وەزارەتا ساخلەمیا حکومەتا ھەرێما کوردستانێ ئامارێن ٢٤ دەمژمێرێن بۆری یێن کۆرۆنایێ ل ھەرێما کوردستانێ بەلاڤکرن و لدویڤ ئامارێ 68 کەسێن دی تووشێ کۆرۆنایێ بووینە و 6 تووشبوویان گیانێ خۆ ژ دەست دایە، ھەروەسا د وێ راگەھاندنا وەزارەتێ دا ھاتیە دڤی ده‌مى دا 968 تووشبوویێن دی یێن کۆرۆنایێ چاره‌سه‌ربووینه.
ھەروەسا وەزارەتا ساخله‌میێ بەلاڤکریە کو د ٢٤ دەمژمێرێن بۆری دا وان 3 هزار و 757 پشکنینێن کۆرۆنایێ ل سەرانسەرى ھەرێما کوردستانێ ئەنجامداینە و بتنێ ئەنجامێ پشکنینا 68 کەسان پۆزەتیڤ بوویە کو 11 ل ھەولێرێ، 35 ل سلێمانێ، 20 ل دھۆکێ و 2 ژی ل گەرمیان بووینه.
ھەژی گۆتنێ یه ل دەستپێکا بەلاڤبوونا کۆرۆنایێ و هه‌تا ئەڤرۆ ١٠٤ ھزار و 402 کەس ل ھەرێما کوردستانێ تووشێ ڤى ڤایرۆسێ بووینە، ژ وێ ھژمارێ ژی 3424 کەسان گیانێ خۆ ژ دەست دایە و 79 ھزار و 970 کەس چاره‌سه‌ربوینه، ھەروەسا 21 ھزار و 8 كه‌س لژێر چارەسەریێ دانە.
