جوتیار عادل، پەیڤدارێ حکومەتا هەرێمێ ئەڤرۆ راگەهاند؛ دەواما قوناغێن 1 و 2 بنەرەتی و 12 ئامادەیی تا رۆژا 16 ڤێ هەیڤێ دێ هێتە راگرتن و دوبارە دێ هەلسەنگاندن بۆ رەوشا ساخلەمیێ هێتە کرن.
هەروەسا دەوام ل قوناغێن 3 بنەرەتی تا 11 ئامادەیی تا رۆژا 16 ڤێ هەیڤێ دێ ب ئەلکترۆنی بەردەوام بیت.
پەیڤدارێ حکومەتا هەرێمێ دیار ژی کر کو دەوام ل قوتابخانەیێن دەڤەرێن دیر ژ هێلێن ئینتەرنێتێ بۆ هەمی قوناغان دێ هێتە راگرتن.
هەروەسا دەواما باخچێن زارۆکان یێن نەحکومی و پەیمانگەهێن حکومی و نەحکومی تا رۆژا 16 ڤێ هەیڤێ دێ هێتە راگرتن.
جوتیار عادل دا زانین ژی کو دەواما زانکۆ و پەیمانگەهێن پشکێن زانستی سیستەمێ خواندنا ناڤا کەمپا و خواندنا ئاوێتە ل گۆرەی هەمان پلانا پێشتر تا رۆژا 16 ڤێ هەیڤێ دێ یا بەردەوام بیت و خواندنا پشکێن مرۆڤی ژی ل گۆرەی هەمان پلانا پێشتر تا رۆژا 16 ڤێ هەیڤێ دێ یا بەردەوام بیت
