ئەڤرۆ دكتور عەلی تەتەر پارێزگەرێ دهوكێ ژبو دیفچوونا کارێ رێڤەبەریی و دام و دەزگەهێن حکۆمی و ئەو پرۆژێن ژلایێ حکۆمەتا هەرێما کوردستانێ بو قەزا ئامێدیی رەزامەندی ل سەر هاتیەدان سەرەدانا قەزا ناڤبری كر، دکۆمبوونەکێ دا دگەل قائیمقام و رێڤەبەرێن پەیوەندیدار پارێزگەرێ دهوكێ دویفچوونا کاروبار و چەوانیا ئەنجامدانا پرۆژەیان کر کو نۆکە ل سنورێ قەزا ئامێدیێ ١٥١ پرۆژە دقوناغا بجهئینانێ دانە، و دپاشەرۆژێ دا چەند پرۆژێن دی دێ هێنە راگەهاندن، و هەروەسا دپلانا حکومەتا هەرێما کوردستانێ دایە ئەنجامدانا پرۆژان بگەهیتە هەمی قەزا و ناحییان و ل سنورێ پارێزگەها دهوکێ ژی ئەڤ پلان و بەرنامە دێ دبەردەوام بن.
