ل سهر راسپاردهیا مهسرور بارزانى سهرۆكێ حكومهتا ههرێما كوردستانێ كۆژمێ دوو ملیار و 500 ملیۆن دیناران بۆ كێمكرنا زیانێن هشكه سالییێ هاتنه تهرخانكرن.
فهرمانگهها میدیا و زانیارى یا حكومهتا ههرێمێ بهلاڤكریه، كۆژمێ دوو ملیار و 500 ملیۆن دینار بۆ چارهسهریا ئاریشهیێن دابینكرنا ئاڤا ڤهخارنێ بۆ مالان وهكو پێنگاڤا ئێكێ بۆ پارێزگههـ و ئیدارهیان هاتنه تهرخانكرن.
راگههاند ژى، تهرخانكرنا وى پارهى ل سهر راسپاردهیا مهسرور بارزانى سهرۆكێ حكومهتا ههرێمێ بوویه و ئاماژه ب بریارا جڤاتا وهزیران یا ژماره 100 ل رێككهڤتى 21ههیڤا چوار 2021 كریه كو تایبهت بوو ب بابهتێ هشكه سالیێ ڤه ل ههرێما كوردستانێ.
ئهڤ ساله ژ ئهگهرێ نهبارینا بارانێ و كێمبوونا ئاڤا رویباران و ژێدهرێن ئاڤێ و كێمبوونا ئاستێ ئاڤا ژێر عهرد ل دهڤهرێن چیایی یێن ههرێما كوردستانێ، ئاریشهیا نهبوونا ئاڤا ڤهخارنێ ل هندهك دهڤهران پهیدا بوویه.
