سه‌رۆكێ ژوورا بازرگانى و پیشه‌سازى ل دهۆكێ راگه‌هاند، كارگه‌هێن نوی دێ ل سنۆرێ پارێزگه‌ها دهۆكێ هێنه ڤه‌كرن و به‌رهه‌مێ وان دێ بۆ هه‌می عیراقێ و كوردستانێ بیت و دێ پێدڤیێن رۆژانه دابین كه‌ن.
ئه‌یاد حه‌سه‌ن، سه‌رۆكێ ژوورا بازرگانى و پیشه‌سازى یا دهۆكێ راگه‌هاند: پار به‌رێ بنیاتى ژ لایێ مەسروور بارزانی، سەرۆکێ حکومەتا ھەرێما کوردستانێ بۆ ده‌ڤه‌را پیشه‌سازییا خوراكى ل سێمێلێ هاته دانان، نوكه ده‌ست ب بجهئینانا پرۆژه‌ى هاتییه كرن.
سه‌رۆكێ ژوورا بازرگانى و پیشه‌سازى یا دهۆكێ گۆت ژى؛ بریاره هه‌ژماره‌كا كارگه‌هان ل ده‌ڤه‌را پیشه‌سازیا خوراكى بهێنه دامه‌زراندن و به‌رهه‌مێن وان بۆ هه‌رێما كوردستانێ و عیراقێ بیت.
ئه‌یاد حه‌سه‌ن دیار ژى كر، ئه‌و كارگه‌هـ د جۆرا و جۆرن و دێ كارتێكرنا خو ل سه‌ر ده‌لیڤێن كارى هه‌بیت و دێ شێن پێدڤیێن بازارى دابین كه‌ن و ب هیڤی نه كو كوردستان بشێت بشت ب به‌رهه‌مێ ناڤخو ببه‌ستیت.
